टिपरको ठक्करबाट मृत्यु

चितवन । टिपरको ठक्करबाट यहाँ एक जनाको मृत्यु भएको छ । मृत्यु हुनेमा मध्यविन्दु नगरपालिका–६ का ३५ वर्षीय मनोज पराजुली रहेका छन् ।

जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर पौडेलका अनुसार पराजुलीको उपचारको क्रममा चितवन मेडिकल कलेज (सिएमसी) मा मृत्यु भएको हो । शुक्रबार दिउँसो ३ः३० बजे भरतपुर महानगरपालिका वडा नं. ३ पुल्चोकमा गैँडाकोटबाट आउँदै गरेको ग १ क ४८८१ नम्बरको टिपरले पैदलयात्रा गरिरहेका पराजुलीलाई ठक्कर दिएको थियो ।

उपचारको क्रममा आज उहाँको मृत्यु भएको हो । टिपर र चालकलाई प्रहरीले नियन्त्रणमा लिएको छ ।