आजको राशिफल: वि.सं. २०८३ भाद्र २२ गते सोमबार

वि.सं. २०८३ भाद्र २२ गते सोमबार, ई.सं. २०२६ सेप्टेम्बर ०७, ऋतु: वर्षा, अयन: दक्षिणायन, नेपाल संवत् ११४६, भाद्र कृष्ण पक्षको एकादशी तिथि, नक्षत्र: पुनर्वसु, चन्द्रमा मिथुन राशिमा, सूर्य सिंह राशिमा, योग: व्यतीपात, करण: बालव। आज अजा एकादशी व्रत परेको छ। आज नेपालमा सूर्योदय बिहान ०५:४५ बजे र सूर्यास्त साँझ ०६:१६ बजे हुनेछ।

आज एकादशी व्रत परेकाले भगवान् विष्णुको पूजा, व्रत, ध्यान र साधना गर्दा शुभ फल प्राप्त हुन्छ। एकादशी व्रतको कथा सुन्नाले र निष्ठापूर्वक व्रत बस्नाले मनोकाङ्क्षा पूरा हुने शास्त्रमा उल्लेख छ।

मेष राशि: नसरा तथा जोर्नीसम्बन्धी समस्याले सताउन सक्छ। अल्छिपना बढ्ने छ। वैदेशिक यात्रा तथा नयाँ कार्यको शुभारम्भका लागि समय उत्तम छ। कुलदेवतालाई मिष्ठान्न अर्पण गरी दिनको सुरुवात गर्नुहोला। शुभ रङ: खैरो, शुभ अङ्क: ३

वृष राशि: ज्येष्ठ नागरिकको सम्मान र सेवा गर्ने अवसर प्राप्त हुनेछ। बोलीको प्रभावले रोकिएका महत्त्वपूर्ण काम बन्नेछन्। आज गरिब तथा असहायहरूलाई खिर भोजन गराउनु शुभ हुनेछ। शुभ रङ: हल्का सेतो, शुभ अङ्क: ७

मिथुन राशि: आजको दिन अत्यन्त शुभ छ। नयाँ योजना बनाउन र नयाँ कामको शुभारम्भ गर्न समय अनुकूल छ। पारिवारिक सुख मिल्नेछ। गुरु तथा मातापिताको सेवा गर्नुहोला। आज केरा दान गर्दा कल्याण हुनेछ। शुभ रङ: कालो, शुभ अङ्क: १

कर्कट राशि: नयाँ वस्तुको खरिद-बिक्रीका लागि दिन शुभ छ। निर्माणसम्बन्धी कार्य अगाडि बढाउन आजको दिन महत्त्वपूर्ण रहनेछ। आज चिनी वा मिस्री दान गर्नाले शुभ फल प्राप्त हुनेछ। शुभ रङ: गाढा सेतो, शुभ अङ्क: ९

सिंह राशि: शरीरमा स्फूर्ति रहनेछ र नयाँ अवसरहरू प्राप्त हुने योग छ। सामान्य हाडजोर्नीमा चोटपटक लाग्न सक्ने भएकाले सतर्क रहनुहोला। आमाबुवाको आशीर्वाद लिएर दिनको शुभारम्भ गर्नुहोला। शुभ रङ: हरियो, शुभ अङ्क: १३

कन्या राशि: जागिरमा सोचेजस्तो लाभ नमिल्न सक्छ, तर व्यापार-व्यवसायबाट राम्रो लाभ हुनेछ। मावली तथा माइती पक्षबाट सुख प्राप्त हुनेछ। पारिवारिक सम्बन्ध स्थिर रहनेछ। आज मुँगको दाल दान गरेर दिनको सुरुवात गर्नुहोला। शुभ रङ: कालो, शुभ अङ्क: ४

तुला राशि: घमण्ड र अभिमान घट्दै जानेछ। व्यापारमा लाभ मिल्नेछ। दाजुभाइसँगको सम्बन्धमा केही खटपट हुन सक्छ। विपरीत लिङ्गीप्रतिको आकर्षण बढ्नेछ। आज फलामजन्य वस्तुको प्रयोग कम गर्नुहोला। शुभ रङ: हरियो, शुभ अङ्क: २

वृश्चिक राशि: पराक्रम र उत्साह बढ्ने समय छ। सञ्चारका माध्यमबाट शुभ समाचार पाइनेछ। रोकिएका कामहरू बन्दै जानेछन्। पारिवारिक सुख प्राप्त हुनेछ। साँझपख पिपलको वृक्षको दर्शन गर्दा शुभ हुनेछ। शुभ रङ: बैजनी, शुभ अङ्क: ८

धनु राशि: पारिवारिक झैझगडा र झमेला बढ्न सक्छ। मन उदास हुने र एकान्त प्रिय लाग्नेछ। काम गर्ने जाँगरमा कमी आउनेछ भने बोलीमा रुखोपन आउन सक्छ। आज शनि चालिसा पाठ गरी दिनको सुरुवात गर्नुहोला। शुभ रङ: पहेँलो, शुभ अङ्क: ५

मकर राशि: देवीदेवताको सेवा र पूजापाठ गर्ने अवसर प्राप्त हुनेछ। दाजुभाइसँगको सम्बन्धमा सुधार आउनेछ। धन वृद्धि हुनेछ भने बोलीको प्रभाव बढ्नेछ। आज गहुँबाट बनेका परिकार खाने र खुवाउनाले शुभ फल प्राप्त हुनेछ। शुभ रङ: निलो, शुभ अङ्क: १२

कुम्भ राशि: मनोरञ्जनमा दिन बित्नेछ। सोचेका कामहरू पूरा हुनेछन्। आज कसैको पनि अपमान नगर्नुहोला, ईश्वरको कृपा प्राप्त हुनेछ। जीवनसाथी वा साझेदारसँग राम्रो सम्बन्ध कायम राख्दा फाइदा हुनेछ। शुभ रङ: सेतो, शुभ अङ्क: ६

मीन राशि: भगवान् शिवको दर्शन गरी दिनको शुभारम्भ गर्नुहोला। सन्तानबाट सुख प्राप्त हुनेछ। धन-सम्पत्ति तथा रत्न आदिबाट लाभ मिल्नेछ। पेटसम्बन्धी समस्या भने कायमै रहन सक्छ। शुभ रङ: पहेँलो, शुभ अङ्क: १७

डा. खेमराज मिश्र, पीएचडी (उहाँ फलित ज्योतिषविद् तथा ज्योतिष अनुसन्धानकर्ता, नेपाल ज्योतिष परिषद्का केन्द्रीय उपमहासचिवकाे जिम्मेवारीमा पनि हुनुहुन्छ)