अक्टोबर २५ मा विश्वः समाजवादी राजनीतिक परिवर्तनकाे क्षण

काठमाडाैं । अक्टोबर २५ का दिन विश्व इतिहासमा राजनीति, युद्ध र कूटनीतिसँग सम्बन्धित थुप्रै महत्त्वपूर्ण तथा ऐतिहासिक घटनाहरू घटेका छन्।  जूलियन क्यालेन्डरअनुसार रुसी अक्टोबर क्रान्तिको मुख्य निर्णायक विद्रोही गतिविधि पनि सन् १९१७ अक्टोबर २५ मै (ग्रिगोरीयन क्यालेन्डरको नोभेम्बर ७) परेकाले यसलाई विश्व इतिहासमा समाजवादी राजनीतिक परिवर्तनको एक ठूलो टर्निङ पइन्ट मानिन्छ।

राजा जर्ज तृतीयको शासनारोहण (सन् १७६०): बेलायत र आयरल्यान्डका राजा जर्ज तृतीयले बेलायतको राजगद्दी सम्हालेका थिए। उनको लामो शासनकाल बेलायती इतिहासमा महत्वपूर्ण मानिन्छ।

बा्लाक्लाभको युद्ध र ‘लाइट ब्रिगेडको चार्ज’ (सन् १८५४): क्रिमियन युद्धका दौरान रूसविरुद्ध भएको बा्लाक्लाभको युद्धमा बेलायती घोडसवार सेनाले गरेको उक्त साहसिक तर विनाशकारी आक्रमण विश्व युद्धको इतिहासमा चर्चित छ, जुन पछि प्रसिद्ध कवितामा समेत समेटिएको थियो।

रोम-बर्लिन अक्ष (एक्सिस) को गठन (सन् १९३६): द्वितीय विश्वयुद्ध पूर्व फासिस्ट इटालीका शासक बेनिटो मुसोलिनी र जर्मनीका तानाशाह एडल्फ हिटलरबीच सम्झौता भई ‘रोम-बर्लिन एक्सिस’ को निर्माण गरिएको थियो।

संयुक्त राष्ट्रसंघमा चीनको प्रतिनिधित्व (सन् १९७१): संयुक्त राष्ट्रसंघको महासभाले ऐतिहासिक निर्णय गर्दै ताइवान (रिपब्लिक अफ चाइना) लाई हटाएर जनवादी गणतन्त्र चीनलाई राष्ट्रसंघमा मुख्य चीनको आधिकारिक प्रतिनिधिको रूपमा मान्यता दिएको थियो।

ग्रेनाडामा अमेरिकी सेनाको आक्रमण (सन् १९८३): क्यारिबियन देश ग्रेनाडामा भएको राजनीतिक कु र प्रधानमन्त्री मोरिस विसपको हत्यापछि अमेरिकाको नेतृत्वमा ‘अपरेसन उर्जेन्ट फ्युरी’ नामक सैन्य हस्तक्षेप भएको थियो।