उपप्रधानमन्त्री सिँहद्वारा हात्ती तथा पर्यटन महोत्सवको उद्घाटन

पौष ११, २०८१
चितवन । उपप्रधानमन्त्री  प्रकाशमान सिँहले चितवनको सौराहामा आयोजित हात्ती तथा पर्यटन महोत्सवको उद्घाटन गरे। उद्घाटन गर्दै उनले हात्ती महोत्सवको विरोध नगर्न आग्रह गर्दै चितवनको पर्यटन विकासमा हात्तीको महत्त्वपूर्ण भूमिका रहेको बताए।
सिँहले महोत्सवलाई जनावरमैत्री बनाउन र पर्यटनमा सकारात्मक प्रभाव पार्न सरकारको सहयोग रहने बताए। उनले पर्यटन गतिविधिहरूको विरोधलाई असरकारक नहुने र चितवनको सफारी पर्यटनलाई बल पुर्याउने बताए। महोत्सवका संयोजक रामकुमार अर्यालले सौराहामा पर्यटक आगमनमा ४० प्रतिशत वृद्धि भएको जानकारी दिए।
महोत्सवमा हात्तीका विभिन्न गतिविधिहरू, जस्तै श्रृंगार, स्वास्थ्य परीक्षण, म्यूजिकल वाक र फुटबल पेनाल्टीको आयोजना हुनेछ। यो महोत्सव पर्यटनको समृद्धिका लागि महत्वपूर्ण मानिएको छ।
महोत्सव पौष ११ गतेदेखि शुरु भै १६ गते सम्म सञ्चालन रहनेछ ।