आजको राशिफल: वि.सं. २०८३ असोज ४ गते आइतबार

वि.सं. २०८३ असोज ४ गते आइतबार, ई.सं. २०२६ सेप्टेम्बर २०। ऋतु: वर्षा, अयन: दक्षिणायन, नेपाल संवत्: ११४६। भाद्र शुक्ल पक्ष, तिथि: नवमी। नक्षत्र: पूर्वाषाढा, चन्द्रमा: धनु राशिमा, सूर्य: कन्या राशिमा। योग: सौभाग्य (दिउँसो ३:३३ बजेपछि शोभन), करण: कौलव। आज नेपालमा सूर्योदय बिहान ५:५१ बजे र सूर्यास्त साँझ ६:०२ बजे हुनेछ। आज दिनभर नवमी तिथि रहनेछ।

आज महालक्ष्मी व्रत जारी छ। आजको दिन धन, समृद्धि, पारिवारिक सुख तथा मानसिक शान्तिका लागि माता लक्ष्मीको स्मरण, पूजा, दीप प्रज्वलन एवं सामर्थ्यअनुसार दान-पुण्य गर्नु शुभ मानिन्छ। मनमा सकारात्मक सोच राखी सेवा, संयम र सत्कर्ममा समय बिताउनु विशेष फलदायी हुनेछ। शुभ साइत/मुहूर्त: आज कुनै शुभ कार्य वा महत्वपूर्ण कामको सुरुवात गर्नुपरेमा, लाभ समय: बिहान ८:५४ देखि १०:२५ बजेसम्म, अमृत समय: बिहान १०:२५ देखि ११:५७ बजेसम्म र शुभ समय: दिउँसो १:२८ देखि २:५९ बजेसम्म रहेकाे छ । यी समयहरू नयाँ योजना बनाउन, व्यापारिक छलफल गर्न तथा रोकिएका कामलाई व्यवस्थित रूपमा अघि बढाउन अनुकूल रहनेछन् ।

मेष (चु, चे, चो, ला, लि, लु, ले, लो, अ) आज काममा उत्साह बढ्नेछ र रोकिएका कामहरू क्रमशः पूरा हुँदै जानेछन्। व्यवसाय तथा रोजगारीमा नयाँ जिम्मेवारी प्राप्त हुन सक्छ। आर्थिक पक्षमा सुधार आउनेछ, तर अनावश्यक खर्चमा नियन्त्रण गर्नुहोला। परिवारका सदस्यहरूबाट राम्रो सहयोग मिल्नेछ। धार्मिक वा सामाजिक कार्यमा सहभागी हुँदा मनमा शान्ति मिल्नेछ। (शुभ रङ: रातो, शुभ अङ्क: ९)

वृष (इ, उ, ए, ओ, बा, बि, बु, बे, बो) आज मेहनत र धैर्यले राम्रो परिणाम दिनेछ। काममा जिम्मेवारी बढ्न सक्छ र आफ्नो क्षमता प्रदर्शन गर्ने अवसर प्राप्त हुनेछ। आर्थिक कारोबार गर्दा कागजात तथा हिसाबकिताबमा विशेष ध्यान दिनुहोला। पारिवारिक वातावरण सुखद रहनेछ। स्वास्थ्यका लागि खानपान र आराममा ध्यान दिनु राम्रो हुनेछ। (शुभ रङ: सेतो, शुभ अङ्क: ६)

मिथुन (का, कि, कु, घ, ङ, छ, के, को, ह) आज नयाँ योजना बनाउने र त्यसलाई कार्यान्वयनतर्फ लैजाने अवसर मिल्नेछ। अध्ययन, लेखन तथा बौद्धिक कार्यमा सफलता प्राप्त हुनेछ। व्यापार-व्यवसायमा नयाँ व्यक्तिहरूसँगको सम्पर्कबाट लाभ लिन सकिनेछ। आर्थिक क्षेत्रमा नयाँ सम्भावनाहरू देखिनेछन्। छोटो यात्रा वा महत्वपूर्ण भेटघाटको योग पनि रहेको छ। (शुभ रङ: हरियो, शुभ अङ्क: ५)

कर्कट (हि, हु, हे, हो, डा, डि, डु, डे, डो) आज पारिवारिक सहयोगले महत्वपूर्ण काम पूरा गर्न सहज हुनेछ। कार्यक्षेत्रमा केही नयाँ जिम्मेवारी आउन सक्छ। आर्थिक पक्ष सामान्यभन्दा राम्रो रहनेछ, तर आवेग वा भावनामा आएर खर्च नगर्नुहोला। प्रेम तथा दाम्पत्य सम्बन्धमा आत्मीयता बढ्नेछ। स्वास्थ्यमा थकान र निद्राको कमी हुन नदिनुहोला। (शुभ रङ: सेतो, शुभ अङ्क: २)

सिंह (मा, मि, मु, मे, मो, टा, टि, टु, टे) आज नेतृत्व गर्ने अवसर प्राप्त हुनेछ र कार्यक्षेत्रमा आफ्नो प्रभाव बढाउन सकिनेछ। नयाँ काम वा व्यावसायिक योजना अघि बढाउने वातावरण बन्नेछ। आर्थिक लाभको सम्भावना रहे पनि जोखिमपूर्ण लगानीबाट जोगिनु राम्रो हुनेछ। परिवारमा महत्वपूर्ण विषयमा तपाईंको निर्णय प्रभावकारी बन्नेछ। आत्मविश्वास बढ्ने दिन छ। (शुभ रङ: सुन्तला, शुभ अङ्क: १)

कन्या (टो, प, पि, पु, ष, ण, ठ, पे, पो) आज योजनाबद्ध रूपमा काम गर्दा राम्रो उपलब्धि प्राप्त हुनेछ। पेसा तथा व्यवसायमा नयाँ अवसर आउन सक्छ। आर्थिक पक्षमा सुधारको संकेत देखिन्छ र पुरानो कारोबारबाट लाभ प्राप्त हुन सक्छ। अध्ययन तथा सीप विकासका लागि समय राम्रो रहनेछ। स्वास्थ्यमा नियमितता र अनुशासन कायम राख्नुहोला। (शुभ रङ: हरियो, शुभ अङ्क: ५)

तुला (र, रि, रु, रे, रो, ता, ति, तु, ते) आज सामाजिक तथा व्यावसायिक सम्पर्कबाट फाइदा लिन सकिनेछ। नयाँ व्यक्तिहरूसँगको भेटघाटले भविष्यका लागि राम्रो अवसरको बाटो खोल्न सक्छ। आर्थिक कारोबारमा लाभ मिल्नेछ, तर हतारमा निर्णय नगर्नुहोला। प्रेम तथा दाम्पत्य जीवनमा मधुरता बढ्नेछ। परिवारसँग रमाइलो समय बिताउने अवसर मिल्नेछ। (शुभ रङ: नीलो, शुभ अङ्क: ६)

वृश्चिक (तो, ना, नि, नु, ने, नो, या, यि, यु) आज आत्मविश्वास बढ्नेछ र महत्वपूर्ण काममा सफलता प्राप्त गर्ने अवसर मिल्नेछ। कार्यक्षेत्रमा पुराना समस्या समाधान गर्न सकिनेछ। आर्थिक रूपमा लाभ प्राप्त हुने सम्भावना छ, तर गोप्य आर्थिक विषय अरूसँग धेरै चर्चा नगर्नुहोला। पारिवारिक सम्बन्धमा विश्वास र समझदारी बढ्नेछ। धार्मिक कार्यमा रुचि जाग्नेछ। (शुभ रङ: गाढा रातो, शुभ अङ्क: ९)

धनु (ये, यो, भ, भि, भु, ध, फा, ढ, भे) आज चन्द्रमाको प्रभावले आत्मविश्वास, उत्साह र सक्रियता बढ्नेछ। नयाँ काम सुरु गर्ने वा पुरानो योजनालाई अघि बढाउने राम्रो अवसर प्राप्त हुनेछ। अध्ययन-अध्यापन तथा धार्मिक कार्यमा विशेष रुचि बढ्नेछ। आर्थिक पक्षमा सकारात्मक संकेत देखिन्छ। यात्रा तथा नयाँ स्थानसँग सम्बन्धित काममा पनि सफलता मिल्न सक्छ। (शुभ रङ: पहेँलो, शुभ अङ्क: ३)

मकर (भो, ज, जि, खि, खु, खे, खो, गा, गि) आज धैर्य र निरन्तर प्रयासले काममा सफलता दिलाउनेछ। कार्यक्षेत्रमा जिम्मेवारी बढ्न सक्छ, तर त्यसबाट भविष्यमा राम्रो लाभ मिल्नेछ। आर्थिक विषयमा दीर्घकालीन योजना बनाएर अघि बढ्नु राम्रो हुनेछ। परिवारका ज्येष्ठ सदस्यहरूबाट महत्वपूर्ण सुझाव प्राप्त हुन सक्छ। स्वास्थ्यमा आराम र खानपानमा ध्यान दिनुहोला। (शुभ रङ: नीलो, शुभ अङ्क: ८)

कुम्भ (गु, गे, गो, सा, सि, सु, से, सो, द) आज नयाँ सम्पर्क र सहकार्यबाट लाभ लिन सकिनेछ। व्यवसायमा नयाँ अवसरको खोजी गर्न उपयुक्त समय रहेको छ। आर्थिक लाभ प्राप्त हुने सम्भावना भए पनि खर्चको सन्तुलन मिलाउनु आवश्यक हुनेछ। मित्र तथा परिवारसँगको सम्बन्धमा आत्मीयता बढ्नेछ। टाढाबाट कुनै शुभ समाचार प्राप्त हुन सक्छ। (शुभ रङ: आकाशे, शुभ अङ्क: ८)

मीन (दि, दु, थ, झ, ञ, दे, दो, च, चि) आज मनमा धार्मिक तथा आध्यात्मिक भाव बढ्नेछ। रोकिएका कामहरू बिस्तारै पूरा हुँदै जानेछन् र कार्यक्षेत्रमा सहयोग प्राप्त हुनेछ। आर्थिक पक्षमा सामान्य सुधार आउनेछ। प्रेम तथा दाम्पत्य जीवनमा आत्मीयता बढ्नेछ। पारिवारिक सुखका लागि आफ्नो बोली र व्यवहारमा मधुरता कायम राख्नु राम्रो हुनेछ। (शुभ रङ: पहेँलो, शुभ अङ्क: ३)

डा. खेमराज मिश्र, पीएचडी (उहाँ फलित ज्योतिषविद् तथा ज्योतिष अनुसन्धानकर्ता, नेपाल ज्योतिष परिषद्का केन्द्रीय उपमहासचिवकाे जिम्मेवारीमा पनि हुनुहुन्छ, सम्पर्कः ९७६७-६७८३८३ बुद्दनगर, काठमाडाैं )