आजको राशिफल: वि.सं. २०८३ असोज २४ गते शनिबार

आजको राशिफल: वि.सं. २०८३ असोज २४ गते शनिबार, इ.सं. २०२६ अक्टोबर १०, ऋतु: शरद, अयन: दक्षिणायन, नेपाल संवत्: ११४६, तिथि: आश्विन कृष्ण औंसी (राति ८:३५ बजेपछि प्रतिपदा), नक्षत्र: हस्त (राति १०:१० बजेसम्म, त्यसपछि चित्रा), राशि: चन्द्रमा र सूर्य दुवै कन्या राशिमा, योग: ऐन्द्र (राति ११:३१ बजेसम्म, त्यसपछि वैधृति), करण: चतुष्पद (बिहान ८:४४ बजेसम्म, त्यसपछि नाग र राति ८:३५ बजेपछि किंस्तुघ्न) । आज सूर्योदय: बिहान ६:०१ बजे, सूर्यास्त: साँझ ५:३९ बजे हुनेछ । आज विशेष शुभ साइत तथा मुहूर्त उपलब्ध छैन। पितृ विसर्जनका धार्मिक कर्ममा आफ्नो कुलपरम्परा र परिवारमा प्रचलित समयलाई प्राथमिकता दिनु उत्तम हुनेछ।

आज पितृपक्षको अन्तिम दिन (औंसी श्राद्ध) हो। पितृहरूको श्रद्धापूर्वक स्मरण, तर्पण, पिण्डदान, दान तथा सेवा गर्ने विशेष महत्व रहन्छ। आफ्नो कुलपरम्परा अनुसार औंसी श्राद्ध र पितृ विसर्जनका कर्म सम्पन्न गर्नु शुभ मानिन्छ। आज विश्व मानसिक स्वास्थ्य दिवस पनि हाे  । मानसिक स्वास्थ्यप्रति जनचेतना बढाउने, विभेद र संकोच हटाउने तथा आवश्यक परेकालाई सहयोग एवं उचित परामर्शको पहुँचमा ल्याउने सन्देश आजको दिनले दिन्छ। आफ्नो मनको कुरा परिवार वा विश्वासिला व्यक्तिसँग साझा गर्नु र आवश्यकता अनुसार विशेषज्ञको सहयोग लिनु स्वास्थ्यप्रतिको जिम्मेवार कदम हो।

मेष (चु, चे, चो, ला, लि, लु, ले, लो, अ)

आत्मविश्वास बढ्नेछ र रोकिएका काम क्रमशः अघि बढाउन सकिनेछ। कार्यक्षेत्रमा मेहनतको राम्रो मूल्यांकन हुनेछ। आर्थिक कारोबारमा लाभको अवसर आए पनि हतारमा निर्णय नगर्नुहोला। पारिवारिक वातावरणमा आत्मीयता बढ्नेछ। पितृहरूको स्मरण गरी तर्पण, दान वा सेवा गर्नु शुभ हुनेछ।

(शुभ रंग: रातो, शुभ अंक: ९)

वृष (इ, उ, ए, ओ, बा, बि, बु, बे, बो)

काममा निरन्तरता राख्दा अपेक्षित परिणाम प्राप्त हुनेछ। व्यापार-व्यवसायमा पुराना सम्पर्कबाट लाभ लिन सकिनेछ। आर्थिक पक्षमा सुधार आए पनि अनावश्यक खर्च नियन्त्रण गर्नु आवश्यक छ। परिवारका ज्येष्ठ सदस्यबाट महत्वपूर्ण सुझाव प्राप्त हुन सक्छ। पर्याप्त आराम र सन्तुलित खानपानमा ध्यान दिनुहोला।

(शुभ रंग: सेतो, शुभ अंक: ६)

मिथुन (का, कि, कु, घ, ङ, छ, के, को, ह)

नयाँ योजना बनाउन र भविष्यका कामको तयारी गर्न अनुकूल दिन छ। व्यवसायमा नयाँ सम्पर्क जोडिन सक्छ, जसबाट भविष्यमा लाभ मिल्नेछ। आर्थिक कारोबारमा स्पष्टता कायम राख्नुहोला। प्रेम तथा दाम्पत्य सम्बन्धमा आपसी समझदारी बढ्नेछ। परिवारसँग धार्मिक वा सामाजिक कार्यमा सहभागी हुँदा मन प्रसन्न रहनेछ।

(शुभ रंग: हरियो, शुभ अंक: ५)

कर्कट (हि, हु, हे, हो, डा, डि, डु, डे, डो)

मनमा रहेका तनाव कम हुँदै जानेछन्। कार्यक्षेत्रमा वरिष्ठ व्यक्ति वा अनुभवी सहकर्मीको सहयोग प्राप्त हुनेछ। आर्थिक विषयमा सोचविचार गरेर मात्र नयाँ जिम्मेवारी लिनुहोला। परिवारमा पुराना कुरालाई लिएर सामान्य मतभेद हुन सक्ने भएकाले बोलीमा संयम राख्नु आवश्यक छ। पितृकार्यमा श्रद्धापूर्वक सहभागी हुनु शुभ हुनेछ।

(शुभ रंग: सेतो, शुभ अंक: २)

सिंह (मा, मि, मु, मे, मो, टा, टि, टु, टे)

नेतृत्व क्षमता र आत्मविश्वासका कारण महत्वपूर्ण काममा सफलता प्राप्त हुनेछ। व्यापार-व्यवसायमा लाभका नयाँ अवसर देखा पर्नेछन्। आर्थिक पक्षमा सुधार आए पनि जोखिमपूर्ण लगानीबाट टाढा रहनुहोला। दाम्पत्य जीवनमा आत्मीयता बढ्नेछ। मानसिक शान्तिका लागि ध्यान, प्रार्थना वा धार्मिक कार्यमा समय दिनु लाभदायक हुनेछ।

(शुभ रंग: सुनौलो, शुभ अंक: १)

कन्या (टो, प, पि, पु, ष, ण, ठ, पे, पो)

आत्ममूल्यांकन र नयाँ योजना बनाउने दिन छ। कार्यक्षेत्रमा आफ्नो निर्णय क्षमता देखाउने अवसर प्राप्त हुनेछ। आर्थिक रूपमा लाभ भए पनि खर्चको सन्तुलन कायम राख्नुहोला। पारिवारिक सदस्यको सहयोगले महत्वपूर्ण काम सम्पन्न हुनेछ। मानसिक तथा शारीरिक थकान निवारणका लागि पर्याप्त आराम गर्नुहोस्।

(शुभ रंग: हरियो, शुभ अंक: ५)

तुला (र, रि, रु, रे, रो, ता, ति, तु, ते)

सामाजिक तथा व्यावसायिक सम्बन्ध विस्तार हुनेछ। नयाँ व्यक्तिसँगको भेटघाटबाट उपयोगी अवसर प्राप्त हुन सक्छ। आर्थिक कारोबारमा लाभको सम्भावना भए पनि कागजात तथा हिसाबकिताबमा ध्यान दिनुहोला। पारिवारिक सम्बन्धमा विश्वास र आत्मीयता बढ्नेछ। परोपकारी कार्यमा सहभागी हुँदा मनमा शान्ति मिल्नेछ।

(शुभ रंग: निलो, शुभ अंक: ६)

वृश्चिक (तो, ना, नि, नु, ने, नो, या, यि, यु)

पुराना काम पूरा गर्ने जिम्मेवारी आउन सक्छ। मेहनत र अनुभवको प्रयोग गर्दा कार्यक्षेत्रमा राम्रो परिणाम प्राप्त हुनेछ। रोकिएको रकम प्राप्त हुने सम्भावना छ। पारिवारिक सदस्यको आवश्यकता बुझेर सहयोग गर्नुहोला। अनावश्यक तनावबाट बच्न केही समय एकान्तमा बसेर मन शान्त पार्नु लाभदायक हुनेछ।

(शुभ रंग: गाढा रातो, शुभ अंक: ९)

धनु (ये, यो, भ, भि, भु, ध, फा, ढ, भे)

भाग्यको साथले नयाँ सम्भावनाको ढोका खोल्नेछ। पेसा तथा व्यवसायमा नयाँ योजना अघि बढाउन सकिनेछ। आर्थिक लाभका अवसर प्राप्त हुनेछन्, तर खर्च पनि बढ्न सक्छ। परिवारमा शुभ समाचार प्राप्त हुनेछ। पितृ स्मरण, दान-पुण्य र धार्मिक कार्यमा सहभागी हुनु शुभ हुनेछ।

(शुभ रंग: पहेँलो, शुभ अंक: ३)

मकर (भो, ज, जि, खि, खु, खे, खो, गा, गि)

जिम्मेवारी बढे पनि त्यसलाई व्यवस्थित रूपमा पूरा गर्न सकिनेछ। पेसागत क्षेत्रमा मेहनतको प्रभाव देखिनेछ। आर्थिक पक्षमा सामान्य सुधार आउनेछ र पुरानो कारोबारबाट लाभ मिल्न सक्छ। पारिवारिक जीवनमा समझदारी कायम रहनेछ। मानसिक थकान कम गर्न पर्याप्त निद्रा र आरामलाई प्राथमिकता दिनुहोला।

(शुभ रंग: निलो, शुभ अंक: ८)

कुम्भ (गु, गे, गो, सा, सि, सु, से, सो, द)

नयाँ सोच र योजनाले अघि बढाउनेछ। व्यापार-व्यवसायमा नयाँ सम्पर्कबाट लाभ लिन सकिनेछ। आर्थिक स्थिति सुधारोन्मुख रहनेछ। प्रेम तथा पारिवारिक सम्बन्धमा सकारात्मक वातावरण बन्नेछ। मनका बोझ विश्वासिला व्यक्तिसँग साझा गर्दा हल्कापन महसुस हुनेछ।

(शुभ रंग: बैजनी, शुभ अंक: ४)

मीन (दि, दु, थ, झ, ञ, दे, दो, च, चि)

आत्मविश्वास र सकारात्मक सोच बढ्नेछ। कार्यक्षेत्रमा पहिले गरेको मेहनतको परिणाम प्राप्त हुन थाल्नेछ। आर्थिक लाभको सम्भावना रहे पनि भावनामा आएर फजुल खर्च नगर्नुहोला। परिवारमा आपसी समझदारी बढ्नेछ। पितृ विसर्जनका अवसरमा तर्पण, दान तथा सेवा गर्नुका साथै ध्यान-प्रार्थनामा समय दिनु शुभ हुनेछ।

(शुभ रंग: पहेँलो, शुभ अंक: ७)

डा. खेमराज मिश्र, पीएचडी (उहाँ फलित ज्योतिषविद् तथा ज्योतिष अनुसन्धानकर्ता, नेपाल ज्योतिष परिषद्का केन्द्रीय उपमहासचिवकाे जिम्मेवारीमा पनि हुनुहुन्छ, सम्पर्कः ९७६७-६७८३८३ बुद्दनगर, काठमाडाैं