
आजको राशिफलः बि.सं २०८३ मंसिर ५ गते शनिवार, ईसं २०२६ नोभेम्बर २१, हेमन्त ऋतु, दक्षिणायन, नेपाल संवत् ११४७ कछलाथ्व, कार्तिक शुक्लपक्ष द्वादशी तिथि भोलि राति १:४० बजेसम्म, त्यसपछि त्रयोदशी आरम्भ हुनेछ। उत्तरभाद्रपदा नक्षत्र बिहान ७:०५ बजेसम्म, त्यसपछि रेवती नक्षत्र लाग्नेछ। चन्द्रमा मीन राशिमा रहनेछ। सिद्धि योग भोलि राति १:१४ बजेसम्म, त्यसपछि व्यतीपात योग लाग्नेछ। बालव करण दिउँसो २:०५ बजेसम्म, त्यसपछि तैतिल करण रहनेछ। सूर्य वृश्चिक राशिमा रहेको छ। सूर्योदय बिहान ६:३० बजे र सूर्यास्त साँझ ५:०८ बजे हुनेछ।



आज विश्व टेलिभिजन दिवस मनाइँदैछ। सन् १९९६ मा संयुक्त राष्ट्रसङ्घले नोभेम्बर २१ लाई विश्व टेलिभिजन दिवसका रूपमा मनाउने निर्णय गरेको थियो। टेलिभिजनले सूचना, शिक्षा, मनोरञ्जन तथा सामाजिक चेतना फैलाउन महत्वपूर्ण भूमिका खेल्दै आएको छ। सञ्चारमाध्यमको प्रभावकारी उपयोग, सही सूचना प्रवाह र विश्वव्यापी संवादको महत्वलाई यस दिवसले स्मरण गराउँछ।
मेष राशी (चु, चे, चो, ला, लि, लु, ले, लो, अ)
आज कार्यक्षेत्रमा नयाँ जिम्मेवारी प्राप्त हुने सम्भावना छ। लामो समयदेखि रोकिएका काम अघि बढाउन सकिनेछ। व्यापार व्यवसायमा नयाँ सम्पर्क र सहकार्यबाट लाभ मिल्न सक्छ। आर्थिक पक्षमा सुधार आउने संकेत देखिए पनि खर्चमा संयम अपनाउनुहोला। पारिवारिक सम्बन्धमा आत्मीयता बढ्नेछ। प्रेम तथा दाम्पत्य जीवनमा आपसी समझदारी कायम रहनेछ। स्वास्थ्यमा थकान र मानसिक तनाव कम गर्न आराम गर्नुहोला। (आजको लागि शुभ रंगः रातो, शुभ अंकः ९)
वृष राशी (इ, उ, ए, ओ, वा, वि, वु, वे, वो)
आज भाग्यको साथ प्राप्त हुने र महत्वपूर्ण काममा सफलता मिल्ने सम्भावना छ। अध्ययन तथा ज्ञानविज्ञानका क्षेत्रमा प्रगति हुनेछ। कार्यक्षेत्रमा नयाँ अवसर प्राप्त हुन सक्छ। आर्थिक कारोबारमा सोचविचार गरेर निर्णय लिनुहोला। व्यापार व्यवसायमा पुराना योजनाले गति लिनेछन्। परिवारका सदस्यसँगको सम्बन्ध सुमधुर रहनेछ। धार्मिक तथा आध्यात्मिक गतिविधिमा रुचि बढ्नेछ। (आजको लागि शुभ रंगः सेतो, शुभ अंकः ६)
मिथुन राशी (का, कि, कु, घ, ङ, छ, के, को, ह)
आज आर्थिक तथा व्यवहारिक विषयमा सावधानी अपनाउनुपर्ने समय छ। कार्यक्षेत्रमा जिम्मेवारी बढ्न सक्छ, तर धैर्यपूर्वक काम गर्दा सफलता प्राप्त हुनेछ। नयाँ लगानी गर्नुअघि पर्याप्त जानकारी लिनुहोला। व्यापारमा साझेदारसँग स्पष्ट समझदारी कायम राख्नु राम्रो हुनेछ। पारिवारिक विषयमा अनावश्यक विवादबाट टाढा रहनुहोला। स्वास्थ्यमा खानपान र निद्राको नियमितता कायम राख्नुहोला। (आजको लागि शुभ रंगः हरियो, शुभ अंकः ५)
कर्कट राशी (हि, हु, हे, हो, डा, डि, डु, डे, डो)
आज साझेदारी र सहकार्यबाट राम्रो उपलब्धि हासिल हुने सम्भावना छ। कार्यक्षेत्रमा नयाँ अवसर प्राप्त हुन सक्छ। व्यापार व्यवसायमा आपसी समझदारीले लाभ दिलाउनेछ। आर्थिक पक्षमा सुधार आउने संकेत देखिन्छ। प्रेम तथा दाम्पत्य जीवनमा आत्मीयता र विश्वास बढ्नेछ। परिवारका सदस्यबाट सहयोग प्राप्त हुनेछ। स्वास्थ्यमा आराम र नियमित खानपानमा ध्यान दिनुहोला। (आजको लागि शुभ रंगः सेतो, शुभ अंकः २)
सिंह राशी (मा, मि, मु, मे, मो, टा, टि, टु, टे)
आज कामकाजमा व्यस्तता बढ्नेछ। आफ्नो मेहनत र अनुशासनले कार्यक्षेत्रमा राम्रो परिणाम दिलाउन सक्छ। प्रतिस्पर्धात्मक काममा सफलता प्राप्त गर्ने अवसर मिल्नेछ। आर्थिक कारोबारमा अनावश्यक जोखिम नलिनुहोला। व्यापार व्यवसायमा नयाँ योजना अघि बढाउन सकिनेछ। परिवारका सदस्यसँग समय बिताउँदा सम्बन्ध अझ सुमधुर बन्नेछ। स्वास्थ्यमा थकान तथा पाचनसम्बन्धी समस्याप्रति ध्यान दिनुहोला। (आजको लागि शुभ रंगः सुन्तला, शुभ अंकः १)
कन्या राशी (टो, प, पि, पु, ष, ण, ठ, पे, पो)
आज सिर्जनात्मक काममा सफलता प्राप्त हुने सम्भावना छ। विद्यार्थीहरूका लागि अध्ययनमा एकाग्रता बढ्नेछ। कार्यक्षेत्रमा नयाँ योजना प्रस्तुत गर्ने अवसर मिल्न सक्छ। आर्थिक लाभको सम्भावना रहे पनि खर्च व्यवस्थापनमा ध्यान दिनुहोला। प्रेम सम्बन्धमा आत्मीयता बढ्नेछ। सन्तानको प्रगति वा शुभ समाचारले मन प्रसन्न हुनेछ। स्वास्थ्यमा नियमित व्यायाम र खानपानमा ध्यान दिनुहोला। (आजको लागि शुभ रंगः हरियो, शुभ अंकः ५)
तुला राशी (रा, रि, रु, रे, रो, ता, ति, तु, ते)
आज पारिवारिक विषयमा बढी समय दिनुपर्ने हुन सक्छ। घरजग्गा तथा सम्पत्तिसम्बन्धी काममा सकारात्मक पहल हुने सम्भावना छ। कार्यक्षेत्रमा जिम्मेवारी बढे पनि मेहनतले राम्रो परिणाम दिलाउनेछ। आर्थिक कारोबारमा हतार नगर्नुहोला। परिवारका सदस्यसँगको सम्बन्धमा समझदारी कायम राख्नु आवश्यक हुनेछ। धार्मिक तथा सामाजिक गतिविधिमा सहभागी हुँदा मानसिक शान्ति मिल्नेछ। (आजको लागि शुभ रंगः गुलाबी, शुभ अंकः ६)
वृश्चिक राशी (तो, ना, नि, नु, ने, नो, या, यि, यु)
आज नयाँ योजना र काम अघि बढाउने उत्साह बढ्नेछ। साथीभाइ तथा सहकर्मीबाट सहयोग प्राप्त हुन सक्छ। कार्यक्षेत्रमा आफ्नो विचार र क्षमता प्रस्तुत गर्ने अवसर मिल्नेछ। आर्थिक पक्षमा सुधार आउने संकेत छ। व्यापार व्यवसायमा नयाँ सम्पर्क उपयोगी बन्न सक्छ। छोटो यात्राको सम्भावना पनि देखिन्छ। बोली र व्यवहारमा संयम अपनाउँदा सम्बन्ध सुमधुर रहनेछ। (आजको लागि शुभ रंगः मरुन, शुभ अंकः ९)
धनु राशी (ये, यो, भा, भि, भु, धा, फा, ढा, भे)
आज आर्थिक तथा पारिवारिक विषयमा ध्यान दिनुपर्ने समय छ। आम्दानीका नयाँ सम्भावना देखिए पनि खर्चमा नियन्त्रण राख्नुहोला। कार्यक्षेत्रमा आफ्नो मेहनतको उचित मूल्यांकन हुन सक्छ। व्यापार व्यवसायमा नयाँ अवसर प्राप्त हुने सम्भावना छ। बोलीमा संयम अपनाउँदा महत्वपूर्ण काम सहज बन्नेछन्। परिवारका सदस्यबाट सहयोग प्राप्त हुनेछ। स्वास्थ्यमा घाँटी तथा मुखसम्बन्धी समस्याप्रति सावधानी अपनाउनुहोला। (आजको लागि शुभ रंगः पहेँलो, शुभ अंकः ३)
मकर राशी (भो, जा, जि, खि, खु, खे, खो, गा, गि)
आज आत्मविश्वास र कार्यक्षमतामा वृद्धि हुनेछ। नयाँ कामको थालनी गर्ने अवसर मिल्न सक्छ। कार्यक्षेत्रमा आफ्नो क्षमता प्रदर्शन गर्दा सकारात्मक परिणाम प्राप्त हुनेछ। आर्थिक पक्षमा सुधार आउने संकेत छ। सामाजिक सम्बन्ध विस्तार हुने र नयाँ व्यक्तिसँग परिचय बढ्ने सम्भावना छ। प्रेम तथा दाम्पत्य जीवनमा आपसी सहयोग र विश्वास कायम रहनेछ। स्वास्थ्यमा शरीरको थकान कम गर्न आराम गर्नुहोला। (आजको लागि शुभ रंगः नीलो, शुभ अंकः ८)
कुम्भ राशी (गु, गे, गो, सा, सि, सु, से, सो, द)
आज केही विषयमा धैर्य र गोपनीयता अपनाउनुपर्ने समय छ। कार्यक्षेत्रमा पर्दापछाडि गरिएका प्रयासले भविष्यमा राम्रो उपलब्धि दिलाउन सक्छन्। आर्थिक कारोबारमा सावधानी अपनाउनुहोला। अनावश्यक विवाद र जोखिमपूर्ण निर्णयबाट टाढा रहनु राम्रो हुनेछ। धार्मिक तथा आध्यात्मिक गतिविधिमा रुचि बढ्नेछ। परिवारका सदस्यसँग समय बिताउँदा मन प्रसन्न हुनेछ। स्वास्थ्यमा निद्रा र आरामको कमी हुन नदिनुहोला। (आजको लागि शुभ रंगः नीलो, शुभ अंकः ८)
मीन राशी (दि, दु, थ, झ, ञ, दे, दो, चा, चि)
आज चन्द्रमा आफ्नै राशिमा रहने भएकाले आत्मविश्वास र सक्रियता बढ्नेछ। नयाँ योजना अघि बढाउन र महत्वपूर्ण निर्णय लिन अनुकूल समय रहनेछ। कार्यक्षेत्रमा सहकार्यबाट राम्रो उपलब्धि हासिल हुन सक्छ। आर्थिक पक्षमा सुधार आउने सम्भावना छ। व्यापार व्यवसायमा नयाँ सम्पर्क र अवसर प्राप्त हुनेछन्। साथीभाइ तथा परिवारबाट सहयोग मिल्नेछ। धार्मिक तथा आध्यात्मिक कार्यमा सहभागी हुँदा मनमा शान्ति मिल्नेछ। (आजको लागि शुभ रंगः पहेँलो, शुभ अंकः ३)
डा. खेमराज मिश्र, पीएचडी, उहाँ फलित ज्योतिषविद् तथा ज्योतिष अनुसन्धानकर्ता, नेपाल ज्योतिष परिषद्का केन्द्रीय उपमहासचिवकाे जिम्मेवारीमा पनि हुनुहुन्छ, सम्पर्कः ९७६७-६७८३८३ बुद्दनगर, काठमाडाैं


प्रतिक्रिया दिनुहोस