भरतपुर महानगरद्वारा “भरतपुर भ्रमण वर्ष २०२४” उत्सवको भव्य तयारी

पौष १५, २०८१

चितवन । भरतपुर महानगरपालिकाले नेपाल पर्यटन बोर्ड र निजी क्षेत्रसँगको सहकार्यमा “घुमौँ भरतपुर” अभियानलाई थप प्रवर्धन गर्दै सन् २०२४ को अन्त्यमा भरतपुर भ्रमण वर्ष वार्षिक उत्सव मनाउने तयारी गरेको छ। भरतपुर-२७, मेघौलीमा आयोजना गरिने यो विशेष कार्यक्रमको समुद्‍घाटन पूर्व प्रधानमन्त्री पुष्पकमल दाहाल “प्रचण्ड”ज्यूले गर्नेछन्। २०८१ पौष १६ (३१ डिसेम्बर २०२४) बिहान ११:०० बजे तेलौली चोक बाट
विविध झाँकीसहितको र्‍याली त्यहाँबाट सुरु हुनेछ र समुद्‍घाटन समारोह दिउँसो १२:३० बजे हुनेछ ।

भरतपुर महानगरपालिकाकी प्रमुख रेनु दाहालले भरतपुर भ्रमण वर्ष २०२४ लाई भरतपुर र आसपासका पर्यटकीय गन्तव्यहरूको प्रचार-प्रसार गर्ने ऐतिहासिक अवसरको रूपमा लिएको बताएकी छन्। “यो कार्यक्रमले भरतपुरलाई पर्यटनको केन्द्रका रूपमा स्थापित गर्न महत्वपूर्ण भूमिका खेल्नेछ,” उनले भनिन्।

कार्यक्रममा पर्यटक, स्थानीय बासिन्दा, व्यवसायिक संघ-संस्था, र राजनीतिक नेतृत्वको सहभागिता रहने अपेक्षा गरिएको छ।
“घुमौँ भरतपुर” अभियानले स्थानीय संस्कार-संस्कृतिलाई अन्तर्राष्ट्रिय स्तरमा प्रवर्धन गर्दै पर्यटनमा नयाँ आयाम थप्नेछ,” कार्यक्रम आयोजकले बताए। साथै सो अवसरमा

सम्पूर्ण नागरिकलाई कार्यक्रममा सहभागी भई यस अभियानलाई सफल बनाउन हार्दिक निमन्त्रणा !