वैदिक आयुर्वेद अन्तर कलेज यु १९ फुटबल हुदै

आषाढ १८, २०८१
भरतपुर । वैदिक आयुर्वेद अन्तर कलेज यु १९ फुटबल असार २१ गतेदेखि हुने भएको छ । नारायणी नमूना मावि-२ मेन युनियनको आयोजनामा उक्त प्रतियोगिता हुने भएको हो ।
नारायणी नमूना माविको मैदानमा हुने प्रतियोगिता असार २५ गतेसम्म चल्ने खेल संंयोजक भुवन गैरेले जानकारी दिए । प्रतियोगितामा २० भन्दा बढी कलेजहरुको सहभागिता रहनेछ । केही दिनमा सहभागी सबै टोलीको टुङ्गो लाग्नेछ ।
प्रतियोगिताको विजेताले ट्रफीसहित एक लाख तथा उपविजेताले ५० हजार रुपैयाँ प्राप्त गर्नेछ । विधागत उत्कृष्ट खेलाडीहरुलाई पनि पुरस्कारको व्यवस्था गरिएको छ ।
विद्यालय स्तरदेखि नै फुटबल खेल विकासका लागि सहकार्य गरेको वैदिक आयुर्वेदका प्रमुख चक्रपाणि न्यौपानेले बताए । वैदिक आयुर्वेद मुख्य प्रायोजक रहेको प्रतियोगितामा सेन्ट्रल कलेज अफ भोकेसनल ट्रेनिङ सह(प्रायोजकको रुपमा रहेको छ ।