Follow

Subscribe to notifications
आज: २०८३ मंसिर ६, आईतबार | Sun, 22, Nov, 2026

नोभेम्बर २२ मा विश्वः जोन एफ. केनेडीको हत्या भएकाे दिन पनि


  • आक्रमण न्युज
  • २०८३ मंसिर ६, आईतबार मा प्रकाशित ११ घण्टा अघि
  • ४० पाठक संख्या
  • नोभेम्बर २२ विश्व राजनीतिक तथा ऐतिहासिक इतिहासमा अनेकौँ मोड र महत्त्वपूर्ण घटनाहरूसँग जोडिएको दिन हो । यसै दिन अमेरिकी राष्ट्रपतिको हत्या, जर्मनीमा पहिलो महिला चान्सलरको उदय, लेबनानको स्वतन्त्रता र युक्रेनको राजनीतिक आन्दोलनजस्ता घटना घटेका थिए ।

    १९४३ – लेबनानको स्वतन्त्रता: फ्रान्सको म्यान्डेट शासन अन्त्य गर्दै लेबनानले औपचारिक रूपमा स्वतन्त्रता घोषणा गर्‍यो । सोही दिन दोस्रो विश्वयुद्धका क्रममा कायरो सम्मेलनमा ब्रिटिस प्रधानमन्त्री विन्स्टन चर्चिल, अमेरिकी राष्ट्रपति फ्र्याङ्कलिन डी. रुजभेल्ट र चिनियाँ नेता च्याङ काई-शेकबिच जापानविरुद्धको रणनीतिबारे छलफल भयो ।

    १९६३ – जोन एफ. केनेडीको हत्या र लिन्डन बी. जोन्सनको शपथ: अमेरिकाका ३५औँ राष्ट्रपति जोन एफ. केनेडीको टेक्सासको ड्यालसमा गोली हानी हत्या गरियो । सोही दिन उपराष्ट्रपति लिन्डन बी. जोन्सनले राष्ट्रपतिको पदभार ग्रहण गर्दै शपथ लिए ।

    १९७५ – स्पेनमा राजतन्त्रको पुनर्स्थापना: तानाशाह फ्रान्सिस्को फ्रान्कोको मृत्युपछि जुआन कार्लोस स्पेनका राजा घोषित भए, जसले लामो समयपछिको राजतन्त्रात्मक व्यवस्थालाई पुनः स्थापित गर्‍यो ।

    १९९० – मार्गरेट थ्याचरको बहिर्गमनको संकेत: बेलायतकी प्रधानमन्त्री मार्गरेट थ्याचरले कन्जरभेटिभ पार्टीको नेतृत्व चुनावबाट नाम फिर्ता लिइन्, जसले करिब ११ वर्ष लामो उनको शासनकाल अन्त्य हुने निश्चित गर्‍यो ।

    २००४ – युक्रेनमा ‘अरेन्ज रिभोल्युसन’ को सुरुवात: राष्ट्रपतीय निर्वाचनमा धाँधली भएको आरोपसँगै युक्रेनभर विशाल प्रदर्शन र राजनीतिक आन्दोलन सुरु भयो, जसलाई ‘अरेन्ज रिभोल्युसन’ भनियो ।

    २००५- एन्जेला मर्केल चान्सलरमा नियुक्त:  सन् २००५ नोभेम्बर २२ का दिन बुन्डेस्टागबाट निर्वाचित भई जर्मनीको इतिहासमा पहिलो महिला चान्सलर बनेकी थिइन् । उनले चार कार्यकाल (सन् २०२१ सम्म) जर्मनीको नेतृत्व सम्हालिन् ।

    १८३०- चाल्स ग्रे बेलायतका प्रधानमन्त्रीमा नियुक्त: चाल्स ग्रे (सेकेन्ड अर्ल ग्रे) बेलायतका प्रधानमन्त्री बने, जो सन् १८३२ को सुधार ऐनका प्रमुख सूत्रधार मानिन्छन् ।

    १९६५- युएनडीपीकाे स्थापनाः संयुक्त राष्ट्र विकास कार्यक्रम (UNDP) स्थापनाको सन्दर्भ नोभेम्बर २२ सँग जोडिन्छ ।

    १८९०-  दोस्रो विश्वयुद्धका कमान्डरकाे मृत्युः  दोस्रो विश्वयुद्धका कमान्डर तथा फ्रान्सको पाँचौँ गणतन्त्रका वास्तुकार चाल्स द गॉलको जन्म यही दिन भएको थियो ।

    तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित

    प्रतिक्रिया दिनुहोस


    सम्बन्धित खबरहरु
    ताजा अपडेट
    ↑