अखिल नेपाल किसान महासंघ भरतपुरको पहिलो बैठक सम्पन्न

मंसिर २०, २०८१
चितवन । अखिल नेपाल किसान महासंघ भरतपुर महानगर कमिटीको पहिलो बैठक सम्पन्न भएको छ ।
नेकपा एमाले जिल्ला पार्टी कार्यालय चितवनमा बसेको बैठकले विभिन्न निर्णयहरु गरेको छ । बैठकले महानगरभित्र वडा कमिटी गठन गर्ने निर्णय गरेको छ ।
त्यसैगरी किसानको समस्या पहिचान गरी समाधानका लागि निरन्तर रुपमा सहयोग गर्ने र आर्थिकरुपमा उत्पादनसँग जोडिनका लागि प्रोत्साहन गर्ने निर्णय गरिएको संघका अध्यक्ष लेखनाथ पोखरेलले जानकारी दिए ।
बैठकमा महासंघका केन्द्रीय सदस्य दुर्गादत्त पौडेल, बागमती प्रदेश कमिटी उपाध्यक्ष प्रतिमा पाण्डे लगायतको उपस्थिति रहेको थियो ।